“Ticarət müharibəsinin qalibi olmur, Çin bizə güləcək” – Kaya Kallas
“Avropa İttifaqı ilə ABŞ arasında ticarət müharibəsinin qalibi olmayacaq və Çin bunun nəticələrindən istifadə edəcək”.
SAVASHMEDİA.az xəbər verir ki, bunu Avropa İttifaqının (Aİ) baş diplomatı Kaya Kallas qurumun sammitinə qatılarkən jurnalistlərə bildirib.
Onun sözlərinə görə, çox ehtiyatlı olmaq lazımdır, çünki Aİ və ABŞ ticarət müharibəsinə başlasa, Amerika xalqı da bundan fayda görməyəcək.
“Əgər Çinə baxırsınızsa, o zaman biz bir yerdə olmalıyıq. Mən Avropa və ABŞ-ni nəzərdə tuturam. Əgər ABŞ və Aİ arasında ticarət müharibəsi gedirsə, o zaman kim gülür? Çin yüksək səslə gülür”, - deyə baş diplomat diqqətə çatdırıb.
Xatirə SADİQ
