“Kiyevdə “Oreşnik”lə XXI əsrin duelini keçirək” - Putindən qorxunc təklif
“Rusiyanın “Oreşnik” raketi orta mənzilli silahdır, o, 5,5 min km-ə qədər məsafədə uça bilir, Qərbin raket əleyhinə raketləri onun qarşısını ala bilməyəcək”.
SAVASHMEDİA.az xəbər verir ki, bunu Rusiya prezidenti Vladimir Putin ilin yekunlarına həsr olunmuş mətbuat konfransında bildirib.
“Bu raketləri vurmaq şansı tamamilə yoxdur. Əgər adlarını çəkdiyiniz Qərb ekspertləri belə düşünürsə, qoy [Rusiya və onların ABŞ sponsorlarına] XXI əsrin yüksək texnologiyalı duelini keçirməyi təklif etsinlər. Qoy vurulması üçün hansısa hədəfi müəyyən etsinlər... deyək ki Kiyevdə. Onlar bütün hava hücumundan və raketdən müdafiə qüvvələrini oraya cəmləyəcəklər, biz isə “Oreşnik”lə ora zərbə endirəcəyik. Və baxarıq nə olar”, - deyə Putin qorxunc təklifini irəli sürüb.
Xatırladaq ki, Rusiya prezidenti noyabrın 21-də Oreshnikin ilk dəfə istifadə olunduğunu elan etdi. O, bildirdi ki, zərbə Ukraynanın hərbi sənaye kompleksinin obyektlərindən birinə edilib.
Putin bunu Amerika və Britaniya istehsalı olan uzaqmənzilli “ATACMS” və “Storm Shadow” raketlərinin Bryansk və Kursk vilayətlərindəki hərbi hədəflərə hücumlarına cavab adlandırmışdı.
Xatirə SADİQ
