"Buna mən yox, xalq qərar verəcək" - Paşinyan
Ermənistanın Baş naziri Nikol Paşinyan bildirib ki, ölkənin Avrasiya İqtisadi Birliyinə (AİB) üzvlüyünün taleyini özü deyil, ölkə xalqı həll edəcək.
SAVASHMEDİA.az xəbər verir ki, o, bu açıqlamanı seçicilərlə görüşündə verib.
"Deyirəm ki, Ermənistan xalqının AİB və ya Aİ-nin bir hissəsi olmaq üçün alternativi olmalıdır", - siyasətçi vurğulayıb.
Paşinyan bildirib ki, məqsədi xalqa seçim edə biləcəkləri alternativlər təqdim etməkdir.
Bu açıqlama Paşinyanın bölgələrə seçki kampaniyası zamanı verilib. Ermənistanda parlament seçkiləri iyunun 7-də keçiriləcək.
