Tiflisdə 31 nəfər saxlanılıb – Gürcüstan DİN
Tiflisin “Tbilisi Mall” ticarət mərkəzinin binası yaxınlığında keçirilən etiraz aksiyası zamanı hüquq-mühafizə orqanlarının əməkdaşları ümumilikdə 31 nəfəri saxlayıblar.
SAVASHMEDİA.az gürcü KİV-nə istinadən xəbər verir ki, bu barədə Gürcüstan Daxili İşlər Nazirliyi (DİN) məlumat yayıb.
Həmin şəxslər Cinayət Məcəlləsinin 173-cü (polis əməkdaşının qanuni tələbinə tabe olmamaq) maddəsi ilə müəyyən edilmiş qayda pozuntularına görə inzibati qaydada saxlanılıblar.
DİN qeyd edib ki, saxlanılanların bəziləri, o cümlədən “Dəyişikliklər naminə Koalisiya”nın liderlərindən biri olan Nika Melia qəbz əsasında artıq sərbəst buraxılıb.
Xatirə SADİQ
