Tramp bu dəfə Xirosima və Naqasakiyə səfər edəcəkmi?
Xirosima və Naqasaki merləri prezident Donald Trampı 2025-ci ildə atom bombalarının 80-ci ildönümünü qeyd etmək üçün öz şəhərlərinə dəvət ediblər.
SAVASHMEDİA.az bu barədə “Amerikanın səsi”nə istinadən xəbər verir.
Birgə məktubda onlar Trampı hibakuşanın (bombardmandan sağ qalan insanlar) ifadələrinə şəxsən qulaq asmağa, onların sülhə can atmalarını ürəkdən qəbul etməyə və nüvə silahlarının qeyri-insaniliyini dərindən anlamağa çağırıblar.
“Biz ürəkdən ümid edirik ki, siz nüvə silahının istinad ideyasından imtina edəcəksiniz və nüvə silahlarının ləğvinə və davamlı sülhün əldə edilməsinə liderlik edəcəksiniz”, - deyə “Franse-Presse” tərəfindən yayılan 28 yanvar tarixli məktubda bildirilir.
Qeyd edık ki, 2010-cu ildə ABŞ səfiri Con Roos Xirosimada keçirilən illik anım mərasimində iştirak edən ilk Amerika rəsmisi olub. O, 2012-ci ildə Naqasakidə keçirilən tədbirdə də iştirak edib.
Xirosimaya səfər edən ilk ABŞ prezidenti 2016-cı ildə Barak Obama olub. Co Bayden 2023-cü ildə oraya səfər edib.
Yapon mediası qeyd edir ki, bələdiyyə sədrlərinin dəvətinə baxmayaraq, Tramp birinci prezidentlik dönəmində bu şəhərlərə səfər etməyib.
Xatirə SADİQ
