Ukraynanın eks-prezidentinin oğlu Rusiya vətəndaşı oldu
Ukraynanın keçmiş prezidenti Viktor Yanukoviçin oğlu Aleksandr Yanukoviç Rusiya vətəndaşlığını qəbul edib.
SAVASHMEDİA.az Ukrayna KİV-nə istinadən xəbər verir ki, bunu RİA “Novosti”də olan sənədlər sübut edir.
Sənədlərdən belə görünür ki, Aleksandr Yanukoviç Rusiyada bizneslə məşğuldur. O, 10 il əvvəl o, şirkətini Sankt-Peterburqda qeydiyyatdan keçirib.
Şirkətin əsas fəaliyyəti maliyyə və sənaye qruplarının idarə edilməsidir.
51 yaşlı Aleksandr Yanukoviç Ukraynada bizneslə məşğul olub, “Ümumukrayna İnkişaf Bankı” PJSC bankını təsis edib, “Donbassnefteproduct” MMC-nin baş direktorunun müavini işləyib.
2013-cü ildə “Korrespondent” jurnalı Aleksandr Yanukoviçin sərvətini 510 milyon dollar məbləğində qiymətləndirib.
2014-cü ilin fevralında o, Ukrayna ərazisini tərk edib. Hazırda Ukrayna, Avropa İttifaqı, ABŞ, Böyük Britaniya və digər ölkələrin sanksiya siyahısındadır.
Viktor Yanukoviçin kiçik oğlu 2015-ci ilin martında Rusiyada ölüb. O, avtomobilini buz üzərində sürərkən maşınla Baykal gölünə düşüb və boğulub.
Xatirə SADİQ
