Zelenskidən Putinin "duel təklifi"nə sərt cavab - "Oreşnik"in necə vurulduğunu göstərərik"
Ukrayna prezidenti Volodimir Zelenski Rusiya prezidentinin Kiyevdə "Oreşnik" raketlərinin iştirakı ilə “texnoloji duel” təşkil etmək təklifinə sərt cavab verib.
SAVASHMEDİA.az-ın məlumatına görə, o, Putinin "bu raketləri vurmaq şansı tamamilə yoxdur, inanmırsınızsa, bunu Kiyevdə yoxlayaq" sözlərinə belə cavab verib:
“Görürsünüzmi, bu adam adekvat deyil. “Texnoloji duel” təklif edir, amma biz ona "Oreşnik"in necə vurulduğunu göstərəcəyik".
Ukrayna lideri Brüsseldə keçirdiyi mətbuat konfransında Ukrayna üzərindən Rusiya qazının tranzitinin uzadılmasının mümkünsüzlüyünü bəyan edib: "Əlavə milyardlar qazanmağa imkan verməyəcəyik".
Putinin tez-tez bəhs etditi “İstanbul müqaviləsi”nə də toxunan Zelenski deyib ki, heç bir “İstanbul müqaviləsi” olmayıb və Ukrayna heç nə imzalamayıb.
Ukrayna prezidenti Macarıstanın baş naziri Viktor Orbanı da unutmayıb. O çıxışında bildirib ki, Macarıstanın baş nazirinin, danışıqlar aparmaq mandatı yoxdur:
"Macarıstanın baş naziri Viktor Orbanın nəzərinə bir daha çatdırıram ki, onun Ukrayna adından danışıqlar aparmaq mandatı yoxdur. O bizim üçün sadəcə olaraq, Rusiya diktatoru Vladimir Putinlə həddindən artıq isti münasibətlərə malik olan şəxsdir"
Oğuz
