Zelenskidən Trampın bəyanatına sərt reaksiya - "Yadınızdadırmı?"
Ukrayna prezidenti Volodimir Zelenski amerikalı həmkarı Donald Trampın Ukraynanın NATO-ya daxil olması perspektivinə dair Putinin hisslərini başa düşdüyü barədə bəyanatını şərh edib.
SAVASHMEDİA.az “İnterfaks-Ukrayna”ya istinadən xəbər verir ki, Zelenski bu barədə Finlandiyanın xarici işlər naziri Elina Valtonenlə görüşü zamanı danışıb.
Ukrayna prezidenti qeyd edib ki, ölkəsinin xüsusi təhlükəsizlik zəmanətlərinə ehtiyacı var və Birləşmiş Ştatların bu məsələ ilə bağlı siyasətinə dair nəticə çıxarmamağa çağırıb.
“Yadınızdadırmı, Ukraynaya deyirdilər ki, “Patriot” sistemləri yalnız NATO ölkələrində ola bilər və mövcuddur? İndi işləmək və hər şeyi etmək lazımdır ki, Ukrayna xalqımıza layiq, Putini dayandıra biləcək təhlükəsizlik zəmanətləri alsın”, - deyə Zelenski vurğulayıb.
Onun sözlərinə görə, Ukrayna daim liderlik iddiasında olan dünyadan və dünyada sülh iddiasında olan ölkələrdən ciddi və güclü təhlükəsizlik təminatları tələb etmək hüququna malikdir.
Zelenski əlavə edib ki, təhlükəsizlik təminatı məsələsi təkcə ABŞ-dən deyil, həm də Avropadakı müttəfiqlərin mövqeyindən asılıdır.
Bu yaxınlarda Tramp deyib ki, Co Bayden Ukraynanı NATO-ya qəbul etməkdən imtina ilə bağlı “razılaşmanı” pozub, odur ki, bununla bağlı Rusiyanın “hisslərini anlaya bilir”.
Xatirə SADİQ
