Zurabişvili Trampın andiçmə mərasiminə dəvət edildi
Amerikalı konqresmen Co Uilson Gürcüstan prezidenti Salome Zurabişvilini ABŞ-nin seçilmiş prezidenti Donald Trampın andiçmə mərasiminə dəvət edib.
SAVASHMEDİA.az xəbər verir ki, bu barədə Co Uilson “X” sosial şəbəkəsində yazıb.
Uilson paylaşımında Gürücstan prezidenti Zurabişvilinin cəsarətinə diqqəti cəlb edib. “Mən gürcü prezidentinin İvanişvili və onun Çin Kommunist Partiyasında və İran rejimindəki müttəfiqlərinin hücumları qarşısında göstərdiyi cəsarətə dərindən heyranam”, - deyə konqresmen əlavə edib.
Qeyd edək ki, Co Uilson ABŞ Konqresinin Nümayəndələr Palatasının Yaxın Şərq məsələləri üzrə Xarici Əlaqələr Alt Komitəsinə rəhbərlik edir.
Xatirə SADİQ
