79 nəfərə məzar olan hotelin sahibini paylaşımına görə peşman etdilər - Nə yazmışdı?
Bolu Kartalkayada 79 nəfərin həyatını itirdiyi yanğının baş verdiyi "Grand Kartal" hotelinin ortaqlarından Ceyda Hacıbəkiroğlu açıqlama verib.
SAVASHMEDİA.az xəbər verir ki, Ceyda Hacıbəkiroğlu hər kəsdən hadisəyə həssas yanaşmalarını xahiş edib.
"Bu faciədə bizim də itirdiyimiz dostlarımız oldu. Acımız böyükdür. Hər kəsdən həssaslıq gözləyirik",-deyə C.Hacıbəkiroğlu bildirib.
Ceyda Hacıbekirlioğlu bu paylaşımdan sonra sərt reaksiyalar ilə üzləşdikdən sonra sosial media hesabını bağlayıb.
Ceyda Hacıbəkiroğlu
Hadisənin baş verdiyi gündən də danışan Ceyda Hacıbəkirlioğlu bunları deyib: "Hotelimizdə iki yanğın nərdivanı var. Təbii ki, bu yanğın nərdivanı taxtadan deyil. Amma yanğın və tüstüdən otaqların qapısını açmaq mümkün olmayıb. Dəhlizə çıxmaq mümkün deyildi. Bizi ailə olaraq tanıyan hər kəs bilir ki, kiminsə zərər görməməsi üçün hər şeyi etdik. Dostlarımızdan ölənlər də var, sağ qalanlar da".
Qeyd edək ki, yanğından sonra hoteldəki səhlənkarlıq məsələsi müzakirə olunmağa başlayıb. Hoteldə təhlükəsizlik tədbirlərnin aşağı səviyyədə olması sosial mediada sərt reaksiyalara səbəb olub. İnsanlar hotel rəhbərliyinin sərt şəkildə cəzalandırılmasını tələb edirlər.
Musavat.com
