ABŞ-dən Rusiyanın Ukraynadakı vəhşiliyinə reaksiya
“Rusiya 1977-ci il Cenevrə Sülh Protokollarını açıq-aşkar pozur”.
SAVASHMEDİA.az xəbər verir ki, bu barədə ABŞ Prezidenti Donald Trampın Ukrayna üzrə xüsusi nümayəndəsi Keyt Kelloq məlumat verib.
Onun sözlərinə görə, tərəflər arasında dərhal atəşkəs elan olunmalıdır: “Ölənlər arasında qadın və uşaqlar da var. Rusiyanın belə yola əl atması biabırçılıqdır. Atəşi dərhal dayandırmaq lazımdır. Qətliama son qoyulmalıdır”.
Qeyd edək ki, mayın 25-nə keçən gecə Ukraynaya hücum zamanı ölənlərin sayı 12-yə, yaralıların sayı isə 60-a çatıb. Rusiya ordusu paytaxt Kiyev də daxil olmaqla bir sıra şəhərlərə 367 PUA və raket atıb. Yerli hakimiyyət orqanları ölənlər arasında Jitomir vilayətindən 3 uşağın olduğunu da açıqlayıb.
