ABŞ-nin Yerusəlim və Tel-Əvivdəki diplomatik missiyaları bağlandı
ABŞ Dövlət Departamenti ölkənin Yerusəlimdəki səfirliyinin və Tel-Əvivdəki konsulluğunin iş həftəsinin sonuna qədər bağlı qalacağını bildirib.
SAVASHMEDİA.az bu barədə NBC News telekanalına istinadən xəbər verir.
“Təhlükəsizlik vəziyyətini nəzərə alaraq və İsrailin daxili qoşunları komandanlığının göstərişlərinə müvafiq olaraq, ABŞ-nin Yerusəlimdəki səfirliyi sabahdan (18 iyun çərşənbə) cümə gününədək (20 iyun) bağlı olacaq”, - deyə departamentin açıqlamasında bildirilir.
Bəyanatda deyilir ki, bağlı qalmaq Tel-Əvivdəki konsulluq xidmətinə də aiddir.
Bu həftə İsrailə səfər etməyi planlaşdıran amerikalılara səyahət etməkdən çəkinmələri ilə bağlı tövsiyələrlə əlaqədar departament bildirib ki, bölgəni tərk etmək istəyən vətəndaşlara mümkün yardım haqqında məlumat hələ mövcud deyil və üçüncü tərəflərin təklif etdiyi səyahət variantlarını tövsiyə edə bilməyəcək.
ABŞ Dövlət Departamenti fövqəladə vəziyyət funksiyalarını yerinə yetirməyən bəzi hökumət işçilərinin və ailələrinin İsraildən çıxmalarına icazə verildiyinə, lakin çıxış uçuşlarının olmaması səbəbindən yerlərində qalmalı olduqlarına diqqəti cəlb edib.
İsrailin əsas hava limanı olan Ben Qurion Beynəlxalq Hava Limanı hava zərbələri səbəbindən bağlanıb.
ABŞ-nin İsraildəki səfiri Mayk Hakabi iyunun 16-da səfirliyin Təl-Əviv filialı yazınlığına düşmüş İran raketlərinin zərbələri nəticəsində filiala cüzi ziyan dəydiyini, lakin heç bir ABŞ personalının xəsarət almadığını söyləyib.
Xatirə SADİQ
