BMT Əfqanıstana iqlim maliyyəsi ayırmağa çalışır
Birləşmiş Millətlər Təşkilatının (BMT) iki agentliyi Əfqanıstan üçün iqlim maliyyəsinin açılmasına ümid edir.
SAVASHMEDİA.az xəbər verir ki, bu barədə “Reuters” yazıb.
Agentlik qeyd edib ki, “Taliban” hərəkatı Əfqanıstanda hakimiyyəti ələ keçirdikdən sonra ölkə iqlim maliyyəsini ala bilmir.
BMT-nin Ərzaq və Kənd Təsərrüfatı Təşkilatının (FAO) Əfqanıstan üzrə direktoru Dik Trençard deyib ki, Əfqanıstanda iqlimə şübhə ilə yanaşanlar yoxdur: “Siz getdiyiniz hər yerdə iqlim dəyişikliyinin təsirini və onun ekoloji nəticələrini görürsünüz”.
Qeyd edək ki, dünyanın ən kasıb ölkələrindən biri olan Əfqanıstan quraqlıq və daşqınlardan əziyyət çəkir. İqlim fəlakətlərinin yaratdığı ölümlərlə yanaşı, bir çox əfqanın asılı olduğu ölkənin kənd təsərrüfatı da məhv edilir.
İndi FAO və BMT-nin İnkişaf Proqramı eyni vaxtda pul üçün müraciət etmək və layihələr sahəsində tərəfdaş kimi çıxış etmək istəyir.
BMT agentlikləri BMT-nin Qlobal Ətraf Mühit Fondundan Əfqanıstan üçün təxminən 18,9 milyon dollar almağa hazırlaşır. Onların planlarına görə, bu məbləğin on milyonu Əfqanıstanda otlaqların, meşələrin və su hövzələrinin idarə olunmasının yaxşılaşdırılmasına, qalanı isə kənd icmalarının dayanıqlığının artırılmasına yönəldiləcək. Tranşın “Taliban”dan yan keçəcəyi güman edilir.
“Taliban” BMT-nin planlarını şərh etməyib.
Xatirə SADİQ
