Gürcüstan prezidenti Avropa Parlamentinə dəvət olundu
Gürcüstan prezidenti Salome Zurabişvili Avropa Parlamentində çıxış etmək üçün dəvət olunub.
SAVASHMEDİA.az gürcü KİV-nə istinadən xəbər verir ki, bu barədə Avropa Parlamentinin sədri Roberta Metsola bildirib.
Metsolanın bəyanatında qeyd edilib ki, Avropa Parlamenti artıq iki həftədir küçələrdə Avropanın gələcəyi üçün dinc və ehtirasla mübarizə aparan Gürcüstan xalqı ilə həmrəy olduğunu bildirir.
“Onlar AB bayraqlarını dalğalandırır, onlara qarşı isə su şırnaqlarından istifadə edirlər. Gürcüstan vətəndaşları: sizi görürük, eşidirik, biz sizin yanınızdayıq. Biz müxalifətə qarşı repressiyaları və dinc etirazçılara qarşı güc tətbiqini qəti şəkildə pisləyirik”.
Metsola 27 ölkəni birləşməyə və tədbirlər barədə razılığa gəlməyə çağırıb: “Biz prezident Salome Zurabişvilini Avropa Parlamentinə dəvət etdik. Onunla birlikdə bunun üçün hansı formatın daha yaxşı olacağını müzakirə edəcəyik”.
Xatirə SADİQ
