Hər şeyi "yaxşı saç düzümü" olan Conson korlayıb? - Putin onu günahlandırdı
“Rusiya Ukrayna ilə danışıqlara və kompromislərə hazırdır, lakin Kiyev dialoqdan imtina edir”.
SAVASHMEDİA.az xəbər verir ki, bunu prezident Vladimir Putin ilin yekunlarına həsr olunmuş mətbuat konfransında deyib.
Amerikalı jurnalistin Rusiyanın hansı güzəştlərə hazır olması ilə bağlı sualına Putin belə cavab verib: “Siyasət elə kompromislər sənətidir. Biz həmişə kompromislərə hazır olduğumuzu demişik”.
O, 2022-ci ildə İstanbulda keçirilmiş danışıqların uğursuzluğunu xatırladıb.
“Ukrayna tərəfi hətta sənədi də paraflamışdı. Deməli, bütövlükdə onunla razı idi. Sonra nədənsə imtina etdilər. Əlbəttə, nəyə görə imtina etdikləri aydındır, çünki sizin müttəfiqiniz, yaxşı saç düzümü (əli ilə göstərir – red) olan cənab Conson gəlib dedi ki, son ukraynalıya qədər döyüşmək lazımdır. Odur ki, onlar vuruşurlar. Döyüşmək istəyən ukraynalıların da sayı tezliklə bitəcək. Biz hazırıq, amma qarşı tərəf də həm danışıqlara, həm də kompromislərə hazır olmalıdır”, - deyə Putin əlavə edib.
Xatirə SADİQ
