Kral Çarlz ABŞ prezidentinin mövqeyinə təsir edəcək? - Politico
Böyük Britaniyaya səfəri zamanı kral Çarlz ABŞ prezidenti Donald Trampın Ukrayna ilə bağlı mövqeyinə təsir edə bilər.
SAVASHMEDİA.az xəbər verir ki, bu barədə “Politico” nəşri iddia edib.
Məqalədə deyilir ki, britaniyalı məmurlar bu səfərin baş nazir Kir Starmerə və onun böyük köməkçilərinə Trampı Putinə təzyiqi artırmağa inandırmaq məqsədilə səylərini gücləndirmək üçün zəmin yaradacağına ümid edirlər. Hərçənd bu məsələ, mümkündür ki, səfərin gündəliyinə daxil edilməyib, amma siyasi və kral köməkçiləri bunun pərdə arxasında qaldırılacağını gözləyirlər.
“Politico”nun məlumatına görə, Trampı qəbul edəcək kral Çarlz atəşkəs danışıqlarının təfərrüatlarına və Ukrayna prezidenti Volodimir Zelenskinin özünə “çox bələddir”.
“Bu, baş nazirə bir çox digər Avropa liderlərində çatışmayan silahı verir: sakitcə, lakin ardıcıl olaraq Kiyevə dəstəyini nümayiş etdirən mərhəmətli monarx bu məsələdə ABŞ-nin bədbinliyini aradan qaldırmaq üçün öz töhfəsini verməyə hazırdır”, - deyə nəşr vurğulayıb.
Xatirə SADİQ
