NATO baş katibindən KRİTİK ÇAĞIRIŞ - "Müharibəyə hazırlaşmalıyıq"
NATO-nun baş katibi Mark Rutte Avropa ölkələrini müdafiə xərclərini artırmağa çağırıb.
SAVASHMEDİA.az xəbər verir ki, o, bu barədə "Bild" qəzetinə müsahibəsində bildirib.
O, Berlini hərbi sənaye və müdafiə sahələrində daha çox xərcləməyə və daha çox istehsal etməyə çağırıb. Onun sözlərinə görə, bu məsələ yaxın aylarda bir çox Avropa ölkələrində müzakirə mövzusu olacaq.
“Mən sizə çox açıq deyirəm: biz müharibəyə hazırlaşmalıyıq. Bu, müharibədən qaçmağın ən yaxşı yoludur”, - Rutte bildirib.
Bundan əvvəl amerikalı aparıcı Taker Karlson NATO-nun aktuallığını itirdiyini bildirmişdi. Karlson istehza ilə qeyd edib ki, NATO SSRİ-yə qarşı yaradılıb, lakin o vaxtdan 35 il keçib. O vurğulayıb ki, bəyan edilmiş sülhməramlı məqsədə baxmayaraq, hazırda Avropanın mərkəzində son 80 ilin ən böyük müharibəsi gedir və bu, NATO-nun effektivliyini şübhə altına alır.
