NATO baş katibindən Ukraynaya dəstək vədi - “Əlimizdən gələni edəcəyik"
Kiyevin Ukraynaya nüvə və digər kritik infrastrukturu qorumaq üçün əhəmiyyətli sayda hava hücumundan müdafiə sistemləri ilə təmin olunmaq xahişi NATO tərəfdaşları tərəfindən müsbət qarşılanıb.
SAVASHMEDİA.az xəbər verir ki, bu barədə NATO baş katibi Mark Rutte bildirib.
Rutte nəzərə çatdırıb ki, bu məsələ Ukrayna-NATO Şurasının iclasında əsas məsələ olub.
“Ukraynanın kritik infrastrukturunu qorumaq üçün əlavə hava hücumundan müdafiə sistemləri alması üçün nə edəcəyimizi müzakirə etdik”, - deyə o, əlavə edib.
Baş katib xatırladıb ki, bu, asan məsələ deyil, çünki Alyans ölkələrində mövcud olan sistemlər paylanıb və müəyyən tapşırıqları yerinə yetirir.
“Bildiyiniz kimi, dünyada hava hücumundan müdafiə sistemlərinin izafisi yoxdur. Ancaq masa arxasında tərəfdaşların Ukraynanı dəstəkləyəcəyi barədə aydın razılaşma oldu. Ukraynaya verilə biləcək bütün o sistemlər Ukraynaya təqdim ediləcək”, - deyə Rutte vurğulayıb.
Baş katib neçə yeni sistemin və hansı növlərin təqdim oluna biləcəyini dəqiqləşdirməyib, lakin Ukraynanın hava hücumundan müdafiəsini gücləndirmək üçün maksimum birgə səylər barədə razılığın əldə edildiyini bir daha vurğulayıb.
“Biz təhvil verilə bilən bütün hava hücumundan müdafiə sistemlərinin Ukraynaya ötürülməsini təmin etmək üçün əlimizdən gələni edirik”, - deyə baş katib yekunlaşdırıb.
Xatirə SADİQ
