Nurullayevdən Novruzovun "Razi kimdir axı?" açıqlamasına cavab - "Ağır sözlər deyib" 

O, YAP-çı deputat Siyavuş Novruzovun iradlarına münasibət bildirərkən sərt ifadələrdən yayınıb

Feb 4, 2025 - 16:34
Feb 4, 2025 - 16:38
Nurullayevdən Novruzovun "Razi kimdir axı?" açıqlamasına cavab - "Ağır sözlər deyib" 

"İmişl hadisələri ilə ilk gündən elə məşğul olmuşuq ki, müsbət nəticəsi olsun. İlk gündən rayonda olmuş və ailələrlə görüşmüşəm. Habelə həbs olunanların valideynləri ilə əlaqə saxlayır və şəxsən narahatlıq keçiririəm. Onların azadlığa çıxması üçün çalışıram".

Bunu Milli Məclis üzvü Razi Nurullayev TV Musavat-a müsahibəsində deyib.

O, YAP-çı deputat Siyavuş Novruzovun iradlarına münasibət bildirərkən sərt ifadələrdən yayınıb:

"Telefon zənglərimə cavab vermədi. Mən də emossional bir status yazdım. Amma istənilən halda deputat həmkarımdır. Kaş belə bir hadisə olmayaydı. Doğrudur, haqqımda ağır sözlər deyib". 

SAVASHMEDİA.az xatırladır ki, deputat Siyavuş Novruzov açıqlamasında həmkarı Razi Nurullayev haqqında aşağıdakıları demişdi:

“Razi kimdir, mənim haqqımda nəsə desin, yazsın. Heç oxumamışam. nə danışır, danışsın da. Mənə qlobal məsələlər haqqında sual verin. Razinin nə dediyi, nə yazdığı mənə maraqlı deyil. Onun haqqımda nəsə yazdığını eşitmişəm, oxumamışam, vecimə də deyil. Elə belə də yazın”

Oğuz