“Putin, Tramp və Zelenski görüşü uzunmüddətli işin nəticəsi olmalıdır” - Peskov
“Rusiya, ABŞ və Ukraynanın yünsək səviyyəli görüşü uzunmüddətli işlərin və artıq hazırlanmış məqamların nəticəsi olmalıdır”.
SAVASHMEDİA.az xəbər verir ki, bunu RBC telekanalına Rusiya prezidentinin mətbuat katibi Dmitri Peskov deyib.
Peskov nəzərə çatdırıb ki, belə münaqişənin bir gecədə həll olunması qeyri-mümkündür.
“Yeri gəlmişkən, president [Vladimir Putin] dünən Minsk razılaşmalarının necə qəbul edildiyini xatırlatdı. Bu, nizamlanmanın özü deyil, bu, addımbaaddım həll yolu xəritəsidir. O, Minskdəki danışıqların 17 saat fasiləsiz necə davam etdiyini xatırlatdı. Mən o vaxt bu danışıqların şahidi olmuşam. Bu, həqiqətən çox çətin təsəvvür edilən marafon idi. Və prezident əslində dedi: indi bizdən nə istəyirsiniz ki, Tramp və Zelenski ilə görüşək və əvvəldən hər nüansa həll tapmağa çalışaq. Niyə?”, - deyə Peskov öz dövlət başçısının sözlərini sitat gətirib.
Xatirə SADİQ
