Rotşildlər ailəsinin üzvü yanğında həlak oldu – Hollivudda
Dünyanın ən məşhur ailələrindən biri olan Rotşildlər ailəsinin üzvü Hollivud Hillsdəki təpənin yamacındakı iki mərtəbəli evdə baş verən yanğın zamanı həlak olub.
SAVASHMEDİA.az xəbər verir ki, bu barədə “ABC7” məlumat yayıb.
Nəşrin məlumatına görə, yanğın noyabrın 27-də baş verib. Hadisə yerinə gələn yanğınsöndürənlər alovu söndürdükdən sonra meyiti aşkar ediblər. Qonşuları onun dünyanın ən zəngin ailələrindən birinin üzvü olan Uill Rotşild olduğunu bildiriblər.
Yanğının və Uill Rotşildin ölümünün səbəbləri hələ məlum deyil. Bu, ekspertiza zamanı müəyyənləşdiriləcək.
Uill Rotşildin tənha yaşadığı deyilir. Sakinlər onu yaxşı qonşu kimi tanıdıqlarını vurğulayıblar.
Xatirə SADİQ
