Sanksiyalar Bidzina İvanişviliyə mükafatdır – Gürcüstan baş naziri
“Bizi maraqlandıran yeganə şey ölkəmizin milli maraqlarıdır, biz artıq üç ildir belə davranırıq və bunun sayəsində Gürcüstan Ukraynanın bugünkü vəziyyətində deyil”.
SAVASHMEDİA.az gürcü KİV-nə istinadən xəbər verir ki, bunu Gürcüstanın baş anziri İrakli Kobaxidze jurnalistlərə deyib.
Onun sözlərinə görə, Ukraynada hakimiyyət kənar müdaxilə nəticəsində iki dəfə dəyişib.
“Bunu edən qüvvələr Ukraynanın taleyi üçün məsuliyyəti öz üzərlərinə götürmədilər, əksinə, bu illər ərzində, son üç ildə, üstəlik, 2013-cü ildən başlayaraq 10 il ərzində Ukraynanı məhvə məhkum etdilər. Real vəziyyət budur. Gürcüstan özünü xilas etdi. Elan edilən qərar Bidzina İvanişvilinin mükafatı, Gürcüstanın isə bu ölkəni xilas etdiyinə görə mükafatdır”, - deyə İrakli Kobaxidze bildirib.
Xatirə SADİQ
