"Tramp Putinə zəng etməyib, yalandır" - Kreml təkzib etdi
“ABŞ-nin yeni seçilmiş prezidenti Donald Trampın Rusiya prezidenti Vladimir Putinlə telefon danışığı olmayıb”.
SAVASHMEDİA.az Rusiya KİV-nə istinadən xəbər verir ki, bunu Rusiya prezidentinin mətbuat katibi Dmitri Peskov bildirib.
“The Waşington Post”un məlumatının etibarlılığı ilə bağlı sualı cavablandıran Peskov onu yalan adlandırıb.
“Bu, indi, hətta bəzən kifayət qədər hörmətli nəşrlərdə dərc olunan məlumatların keyfiyyətinin ən bariz nümunəsidir. Bu, tamamilə həqiqətə uyğun deyil. Bu, təmiz uydurmadır, yəni, sadəcə yalan məlumatdır”, - deyə o bildirib.
Qeyd edək ki, ukrayna Xarici İşlər Nazirliyindən bildirilib ki, Trampla Putin arasında telefon danışığı barədə Kiyevin əvvəlcədən məlumatlandırıldığı həqiqətə uyğun deyil.
Xatırladaq ki, “The Waşington Post” ABŞ və Rusiya liderləri arasında telefon danışığının olduğu barədə məlumat yayıb.
Xatirə SADİQ
