Xəstə çağırışa gələn həkimi vurdu - Daşkəsəndə insident
Daşkəsəndə çağırışa gedən həkim xəstə tərəfindən hücuma məruz qalıb.
SAVASHMEDİA.az "unikal"a istinadla xəbər verir ki, hadisə rayonun Xoşbulaq kəndində qeydə alınıb.
Belə ki, çağırışa gedən Daşkəsən Rayon Təcili Təxirəsalınmaz Tibbi Yardım Stansiyasının həkimi 1991-ci il təvəllüdlü A.Abbaslıya xəstə tərəfindən bıçaqla xəsarət yetirilib.
Barmağından bıçaq xəsarəti alan həkimə yardım edilib, hazırda vəziyyətinin normal olduğu bildirilir. İlkin məlumata görə, hadisəni Xoşbulaq kənd sakini 1997-ci il təvəllüdlü Ş.Əliyev törədib. Onun Vətən müharibəsinin iştirakçısı olduğu bildirilir.
Daşkəsəndə çağırışa gedən həkim Aydın Abbaslıya xəsarət yetirən şəxs saxlanılıb.
1997-ci il təvəllüdlü Şahin Əliyev polis əməkdaşları tərəfindən tutulub.
