Zelenski fransalı həmkarı ilə təkbətək görüşdü - FOTO
“Ukraynanın Rusiya təcavüzünə qarşı müdafiədə mövqeyini daha da gücləndirmək üçün əsas prioritetləri Makronla təkbətək müzakirə etdik”.
SAVASHMEDİA.az xəbər verir ki, Ukrayna prezidenti Volodimir Zelenski fransalı həmkarı ilə görüşü barədə sosial şəbəkələrdə məlumat yayıb.
Onun sözlərinə görə, əsas vəzifə hava hücumundan müdafiə imkanlarının gücləndirilməsidir.
“Ordumuz üçün bir briqada hazırladığı üçün Fransaya təşəkkür etdim, biz bu əməkdaşlığı davam etdirməyə və başqa bir briqada hazırlamağa razılaşdıq. Ümid edirik ki, digər tərəfdaşlar da bu səylərə qoşulacaq və əlavə Ukrayna briqadalarının tamamlanmasına öz töhfələrini verəcəklər”, - deyə Zelenski vurğulayıb.
Makron isə sülhə nail olmaq üçün bütün zəruri addımları həyata keçirmək üçün digər tərəfdaşları ilə ünsiyyəti haqqında Zelenskiyə danışıb.
Xatirə SADİQ
