BMT TŞ bu gün Ukrayna üçün toplanacaq
Ukraynanın tələbi ilə BMT Təhlükəsizlik Şurası (TŞ) Rusiyanın Kiyevə raket zərbəsi endirməsi ilə bağlı bu gün fövqəladə iclas keçirəcək.
SAVASHMEDİA.az xəbər verir ki, bu barədə Ukrayna xarici işlər naziri Andriq Sibiqa X sosial şəbəkəsində yazıb.
Onun sözlərinə görə, BMT TŞ-nin gövqəladə iclası Kiyev vaxtı ilə saat 22:00-da başlayacaq.
“Biz Təhlükəsizlik Şurasının üzvlərini bu iclasdan istifadə edərək Rusiya terroru qarşısında Ukraynaya dəstəyi ifadə etməyə və Rusiya təcavüzkarına təzyiqləri artırmağa çağırırıq. Yalnız təzyiq, o cümlədən yeni sərt sanksiyalar Moskvanı diplomatiya imitasiyasını dayandırmağa və müharibəni bitirmək üçün real səylər göstərməyə məcbur edə bilər”, - deyə Sibiqa əlavə edib.
Xatirə SADİQ
