BRİKS adını dəyişmək niyyətində deyil – Peskov
“BRİKS öz adını yalnız müvafiq məsələ ilə bağlı bütün üzvlərinin tam konsensusundan sonra dəyişə bilər”.
SAVASHMEDİA.az Rusiya KİV-nə istinadən xəbər verir ki, bu barədə Rusiya prezidentinin mətbuat katibi Dmitri Peskov bildirib.
Onun sözlərinə görə, hazırda BRİKS-in adının dəyişdirilməsi ilə bağlı plan yoxdur və təşkilatın adı əvvəlki kimi qalacaq.
“Bu, əlbəttə ki, BRİKS-ə üzv ölkələrin konsensus qərarını tələb edən məsələdir, lakin indiyədək bununla bağlı heç bir təklif olmayıb. İndiyə qədər belə bir anlayış var idi ki, ad dəyişməz qalmalıdır”, - Peskov bildirib.
Qeyd edək ki, hazırda BRİKS beş ölkənin – Braziliya, Rusiya, Hindistan, Çin və Cənubi Afrika Respublikasının adının baş hərflərini özündə əks etdirir.
Xatirə SADİQ
