“Döyüşçülərimiz Kurskda tapşırıqlarını yerinə yetirirlər” – Ukrayna prezidenti
Ukrayna prezidenti Volodimir Zelenski Kursk vilayətindəki ukraynalı hərbçilərin öz tapşırıqlarını yerinə yetirdiyini bildirib.
SAVASHMEDİA.az xəbər verir ki, bu barədə Ukrayna lideri brifinqdə danışıb.
Onun sözlərinə görə, rusiyalılar Ukrayna qoşunlarına maksimum təzyiq göstərməyə çalışırlar, lakin hərbi komandanlıq əsgərlərin həyatını maksimum dərəcədə xilas etmək üçün üzərinə düşəni edir.
“Biz başa düşürük ki, Rusiya tərəfi yaxın günlərdə nə nümayiş etdirəcək. Düşünürəm ki, məsələ hətta onda deyil ki, onlar Kursk istiqamətində hərarəti yüksəldirlər. Onlar hədə-qorxu ilə məşğul olacaqlar. Düşünürəm ki, müxtəlif məsələlər olacaq. Və həm də nüvə səciyyəli. Başa düşmək lazımdır ki, bu, Rusiya Federasiyası üçün istənilən diplomatiya formatı qarşısında aydın metodik hərəkətlərdir”, - deyə Zelenski söyləyib.
Xatirə SADİQ
