"İran Avropa ilə yox, bizimlə danışmaq istəyir" - Tramp
ABŞ prezidenti Donald Tramp Cenevrədə İranla Avropa ölkələri arasında aparılan danışıqlara münasibət bildirib.
SAVASHMEDİA.az bu barədə “Reuters” agentliyinə istinadən xəbər verir.
“İran Avropa ilə danışmaq istəmir. Onlar bizimlə danışmaq istəyirlər. Avropa bu məsələdə kömək edə bilməz”, - deyə Tramp jurnalistlərə bildirib.
“Biz açıq şəkildə bildirdik ki, İranln nüvə silahı ola bilməz”, - deyə Böyük Britaniyanın xarici işlər naziri Devid Lemmi Cenevrə görüşündən sonra BBC News-a deyib.
Onun sözlərinə görə, avropalı həmkarları ilə birlikdə İranla danışıqların davam etdirilməsinə can atırlar. “Biz İranı ABŞ ilə danışıqları davam etdirməyə çağırırıq”, - deyə britaniyalı nazir bildirib.
Lemmi qeyd edib ki, “bu təhlükəli andır” və İranla İsrail arasında münaqişənin regional eskalasiyası olmaması “son dərəcə vacibdir”.
Xatirə SADİQ
