“Mən də orada olacağam” – İlon Maskdan Trampa dəstək
Respublikaçılar Partiyasından ABŞ prezidentliyinə namizəd Donald Tramp sui-qəsdə məruz qaldığı Batlerə qayıdacağını və orada mitinq keçirəcəyini bəyan edib.
SAVASHMEDİA.az xarici KİV-ə istinadən xəbər verir ki, bu barədə Tramp və amerikalı milyarder İlon Mask X sosial şəbəkəsindəki səhifələrində yazıblar.
Tramp bildirib ki, Pensilvaniya ştatının Batler şəhərinə oktyabrın 5-də gedəcək və orada keçirəcəyi mitinq tarixi hadisə olacaq.
İlon Mask prezidentliyə namizədin bu xəbərinə “Dəstəkləmək üçün orada olacağam!” cavabı ilə reaksiya verib.
Xatırladaq ki, iyulun 13-də Batler şəhərində mitinqdə çıxış edərkən Trampa tərəf atəş açılmışdı və o, qulağı tərəfdən yüngül xəsarət almışdı. Bu hadisədən sonra ABŞ Məxfi Xidməti prezidentliyə namizədin qərargahına açıq havada izdihamlı mitinqlər keçirməkdən imtina etməyi tövsiyə etmişdilər.
Xatirə SADİQ
