"Rusiya liderinə bir həftə belə vaxt verilməməlidir” – Zelenski
“Dünyada belə raketlərdən müdafiə edə bilən hava hücumundan müdafiə sistemləri var”.
SAVASHMEDİA.az Ukrayna KİV-nə istinadən xəbər verir ki, bunu Zelenski xalqa gecə müraciətində deyib.
Onun sözlərinə görə, belə raketlərdən biri Rusiya tərəfindən Dneprdə istifadə edildikdən sonra dünya Kremlin real sülh imkanı axtarmağa məcbur olmasını təmin etməlidir.
Zelenski qeyd edib ki, Rusiyanın şantajına baxmayaraq, Ukrayna və tərəfdaşları qətiyyətlərini itirməməli, təzyiq göstərməlidir, çünki yalnız bu halda real sülh yaxınlaşacaq.
O, bildirib ki, Ukrayna Təhlükəsizlik Xidməti və Daxili İşlər Nazirliyi Dneprə atılan Rusiya raketinin fraqmentlərini xəbər agentliklərinə nümayiş etdirib: “Rusiyanın bu eskalasiyasına birlikdə cavab tapmaq məqsədilə bu raketin bütün detallarını və xüsusiyyətlərini müəyyən etmək üçün ekspertiza və tərəfdaşlarla iş hazırda davam edir. Dünyada bundan qoruya bilən hava hücumundan müdafiə sistemləri var. Hamımız buna diqqət yetirməliyik. Rusiya hiss etməlidir ki, müharibəni genişləndirmək üçün atdığı hər addımın onun üçün fəsadları olacaq”.
Zelenski nəzərə çatdırıb ki, dünya Rusiya lideri Vladimir Putinə uyğunlaşmaq və əks-təsir tapmaq üçün bir həftə də vaxt verməməlidir.
“Daim hər şeyi edilməlidir ki, Rusiya real sülh imkanı axtarmağa məcbur olsun. Buna yalnız iki şeylə – Ukraynaya kömək və Rusiyaya təzyiq göstəməklə nail olmaq mümkündür”.
Xatırladaq ki, Vladimir Putin müraciətində noyabrın 21-də Dneprə səhər hücumu zamanı “Oreşnik” orta mənzilli raketdən istifadə olunduğunu etiraf edib.
Xatirə SADİQ
