Trampa bu məsələdə Makron və Starmer təsir edib? – Politico” 

SAVASHMEDİA.az xəbər verir ki, bunu “Politico” adının açıqlanmasını istəməyən Avropa hökumətlərindəki mənbələrə istinadən yazıb.

Nəşrin iddiasına görə, Trampın kurs dəyişikliyi London, Paris və Vaşinqton arasında uzunmüddətli koordinasiyanın nəticəsi olub. Putinin Trampı axmaq kimi göstərdiyi arqumentdən istifadə edən Starmer və Makron amerikalı prezidenti Volodimir Zelenskiyə təzyiqi azaltmağa və qəzəbinin bir hissəsini Putinə yönəltməyə inandırmağa çalışıblar.

“ABŞ prezidentinin Putini açıq şəkildə tənqid etməsi London və Parisdəki diplomatlara təmkinlə məmnuniyyətdən yumruqlarını sıxmağa imkan verdi. Onların onların son üç ayda göstərdiyi səylər, görünür, öz bəhrəsini verməyə başladı”, - deyə nəşr yazır.

Nəşr bildirir ki, Amerika administrasiyası ilə danışıqlarda əsas rolu Böyük Britaniyanın milli təhlükəsizlik üzrə müşaviri Conatan Pauell və müdafiə naziri Con Gili oynayıb. Onların səyləri ABŞ-nin Böyük Britaniyadakı səfiri Mark Bernett ilə koordinasiya olunub. 

Böyük Britaniyanın xarici işlər naziri Devid Lemmi öz növbəsində deyib ki, təkcə bu il ABŞ dövlət katibi Marko Rubio ilə 13, Starmer və Trampın demək olar ki, o qədər söhbəti olub. 

“Zelenski birmənalı şəkildə Romada Trampın düşüncəsinə təsir göstərə bildi”, - deyə adının açıqlanmasını istəməyən Britaniya səfirlərindən biri deyib. 

Onun sözlərinə görə, Böyük Britaniya və Fransa Putinin özünün elan etdiyi atəşkəsi daim pozmaqla hörmətsizlik etdiyini (Trampa – red.) hər zaman vurğulayırdı. Diplomat ehtimal edir ki, bu, xüsusilə həssas mövzuya çevrildi, çünki Tramp insan itkilərinə həssas reaksiya verir – bu, onu həqiqətən narahat edir.

“Hazırda Tramp başa düşür ki, Putinə etibar etmək olmaz. Bunu prezident (Makron – red.) daim təkrarlayır və Trampa çatdırmağa çalışır. Bu, bizim hazırkı strategiyamızdır”, - deyə adının açıqlanmayan fransız məmuru təsdiqləyib.
“Politico” yazır ki, Britaniya və Fransa indi ABŞ prezidentinin Putinə qarşı daha sərt mövqeyinin onun davam etmək üçün səbirsizliyini üstələyib-üstələməyəcəyini həyəcanla gözləyir. 

“Brookings Institution”un baş elmi işçisi Stiven Payfer də bildirib ki, Trampın ABŞ-nin tələblərinə məhəl qoymayan Putinlə münasibətində görünməyən, qapalı zonası mövcud idi. 

“Lakin onun sosial şəbəkələrdəki son açıqlamaları onu deməyə əsas verir ki, o, Putinin ondan istifadə etdiyini hiss etməyə başlayıb”, - deyə Payfer əlavə edib.

Xatirə SADİQ