Trampın xüsusi nümayəndəsi Rusiyanın bu hərəkətini pislədi
Donald Trampın xüsusi nümayəndəsi, general Kit Kelloq Milad günü Rusiyanın Ukraynaya kütləvi raket hücumunu pisləyib.
SAVASHMEDIA.az xəbər verir ki, bu barədə Kelloq “X” platformasında yazıb.
Kelloqun sözlərinə görə, Milad bayramında sülh vaxtı olmalıdır, lakin Ukrayna yenidən atəşə tutulub.
“Tanrının doğum günündə kütləvi raket və dron hücumları təşkil etmək düzgün deyil. Dünya hər iki tərəfin hərəkətlərini diqqətlə izləyir. Birləşmiş Ştatlar bu regionda sülhü təmin etməkdə həmişəkindən daha israrlıdır”, -deyə Rusiya və Ukrayna üzrə xüsusi nümayəndə əlavə edib.
Ötən həftə Ukrayna Xarici İşlər Nazirliyi bildirib ki, artıq Kelloqun Kiyevə səfərinin tarixi ilə bağlı ilkin razılıq var.
“Reuters”in məlumatına görə, Kelloq Rusiyaya deyil, Kiyevə və Avropa paytaxtlarına səfər etməyi planlaşdırır .
Xatirə SADİQ
