"Sabah" onu birdəfəlik transfer etdi
“Sabah” komandada icarə əsasında oynayan futbolçusu Timoteuş Puxaçı birdəfəlik transfer edib.
SAVASHMEDİA.az xəbər verir ki, bu barədə klubun mətbuat xidməti məlumat yayıb.
Paytaxt təmsilçisi 27 yaşlı müdafiəçinin transferi ilə bağlı Almaniyanın “Holştayn Kil” klubu ilə danışıqları uğurla yekunlaşdırıb. Polşalı futbolçu ilə 3 illik müqavilə imzalanıb.
Puxaç ötən ilin sentyabr ayından "Sabah"ın formasını geyinir. O, cari mövsümdə 33 matçda
meydana çıxıb, 2 qol vurub və 12 məhsuldar ötürmə edib.
Timoteuş Puxaç
