"Bilirəm Ramzan, uğurlar" - Putin
Rusiya Prezidenti Vladimir Putin Çeçenistanda keçiriləcək növbəti prezident seçkiləri ilə bağlı Ramzan Kadırovun yenidən dəstək qazanacağına ümid etdiyini bildirib.
SAVASHMEDİA.az xəbər verir ki, bu barədə Putin Kremldə Çeçenistan rəhbəri Ramzan Kadırovla görüş zamanı danışıb.
“Növbəti seçki dövrü yaxınlaşır. Ümid edirəm ki, respublika əhalisi sizi dəstəkləyəcək”, – deyə Putin qeyd edib. O, Kadırovun rəhbərliyi dövründə Çeçenistanda ciddi inkişafın əldə olunduğunu da vurğulayıb.
Ramzan Kadırov isə Putinə təşəkkür edərək belə deyib: “Sizi məyus etməyəcəyik. Əgər xalq məni yenidən seçərsə, sizə sadiq bir əsgər kimi xidmət etməyə davam edəcəyəm və etimadı doğruldacağam”.
Putin də cavabında ona uğurlar arzulayıb: “Bilirəm, Ramzan. Uğurlar!”
Məlumata görə, Çeçenistanda seçkilər 2026-cı il sentyabrın 20-də, vahid səsvermə günündə keçiriləcək.
Ramzan Kadırov 2007-ci ildən Çeçenistana rəhbərlik edir. O, sonuncu dəfə 2021-ci ildə “Vahid Rusiya” partiyasının namizədi kimi keçirilən seçkilərdə səslərin 99,7 faizini toplayaraq yenidən prezident seçilib.
Oğuz
