"Sumqayıt" "İmişli" ilə heç-heçə etdi
Misli Premyer Liqasında XI turun daha bir oyunu keçirilib.
SAVASHMEDİA.az-ın məlumatına görə, günün ilk matçında "İmişli" "Sumqayıt"ı qəbul edib.
Yevlax şəhər stadionundakı qarşılaşma qolsuz yekunlaşıb.
Meydan sahibləri 11 xalla səkkizinci, "gənclik şəhəri" təmsilçisi 10 xalla doqquzuncu pillədə qərarlaşıb.
Tura "Sabah" - "Şamaxı" görüşü ilə yekun vurulacaq. Oyun saat 17:30-da başlayacaq.
Peşəkar Futbol Liqasının qərarı ilə XI tur "Zəfər turu" adlanıb.
Xatırladaq ki, turun əvvəli oyunlarında "Turan Tovuz" "Qarabağ"ı, "Neftçi" "Kəpəz"i (hər ikisi 1:0), "Zirə" "Qəbələ"ni (2:1) məğlub edib. "Şəfa" - "Araz-Naxçıvan" oyununda isə qalib müəyyənləşməyib - 2:2.
