Spikerlə deputat arasında “danışmaqxana” POLEMİKASI - "Etikadan istifadə edin"
Milli Məclisdə gələn ilin dövlət büdcəsi zərfinin müzakirəsi zamanı deputat Səyyad Aranla parlamentin sədri Sahibə Qafarova arasında çıxış vaxtı ilə bağlı fikir ayrılığı yaranıb.
SAVASHMEDİA.az xəbər verir ki, Səyyad Aran çıxışında deputatlara ayrılan danışıq müddətinin 10 dəqiqədən 5 dəqiqəyə endirilməsinə etiraz edib. Deputat bildirib ki, hər bir parlament üzvü çıxış etmək üçün ayrılan vaxtdan istədiyi kimi istifadə edə bilməlidir:
“Hansı deputat 3 dəqiqə danışmaq istəyirsə, danışsın. Başqalarına niyə yol göstərirlər? Bura Milli Məclisdir, danışmaqxanadır. Danışmağa sərhəd qoyulmamalıdır”.
Spiker Sahibə Qafarova isə deputatın işlətdiyi “danışmaqxana” sözünə irad bildirib:
“Bura danışmaqxana deyil. Parlament etikasından və leksikasından istifadə edin”.
Sədr həmçinin çıxış müddətinin 5 dəqiqəyə endirilməsi təklifinin müzakirəyə çıxarıldığını və səsvermə nəticəsində qəbul edildiyini xatırladıb. Deputatların isə istədikləri qədər danışa biləcəklərini qeyd edib.
Banu
Milli Məclisdə