Ayda 16 manatı kimlər ödəməlidir? - Qazancı olan işsizləri necə müəyyənləşdirəcəklər?
Qeyri-formal məşğulluğun təsir dairəsinə düşən şəxslər icbari tibbi sığorta üzrə sığortalı qismində özləri çıxış edəcəklər. Bu məbləğ aylıq 16 manatdır.
SAVASHMEDİA.az xəbər verir ki, vununla bağlı qanun layihəsi artıq birinci oxunuşdan keçib.
Ancaq qanun layihəsi çoxsaylı suallar doğurur: “qeyri-formal məşğulluğun təsir dairəsinə düşənlər” kimlərdir?
İqtisadçı ekspert Natiq Cəfərli bildirib ki, qeyri-formal işləyənlər faktiki olaraq heç yerdə rəsmi işi olmayanlardır və onları təsbit etmək çox çətindir.
“Hüquqi və iqtisadi nöqteyi-nəzərdən bu təsnifat və tanıtım özü problematikdir. Bir insanın ola bilər ki, rəsmi iş yeri yoxdur, ancaq hardasa ofisiant və ya kuryer işləyir. Bu, necə təsbit olunacaq? Qanunlar ümumiyyətlə qeyri-müəyyən yazıla bilməz, burada isə qeyri-müəyyənlik var. Bunu təsbit edən və nəzarət edən qurumlar kimlər olacaq, formulu necə olacaq? Təəssüf ki, rəsmi qurumlardan bununla bağlı açıqlama verilməyib”, - ekspert vurğulayıb.
Aytən
