Bu şorba zəhər imiş... – Səbəb olduğu xəstəliklər
Vaxt məhdudiyyəti və ya tənbəllikdən bəzilərimiz evdə şorba hazırlamaq əvəzinə, hazır şorbalar almağa üstünlük veririk. Lakin hazır şorbaların ziyanından çoxumuzun xəbəri yoxdur.
SAVASHMEDİA.az bu dəfə oxucuları üçün hazır şorbaların zərərlərini araşdırıb.
Çin duzu
Hazır şorbalar praktik olsa da, tərkibindəki qatqı maddələri və yüksək natrium tərkibi ilə sağlamlığı təhdid edir. Bu şorbaların tərkibində olan, zərərinə görə zəhər olaraq da adlandırılan Monosodium qlutamat (MSG) və ya Çin duzu asılılıq yaradan təsiri ilə tanınır. Qan təzyiqini yüksəldir, hipertoniya yaradır. Uzun müddət istehlak etdikdə ürək xəstəliyi və böyrək problemlərinə səbəb olur.
Yüksək miqdarda natrium
Hazır şorbaların tərkibindəki yüksək miqdarda natrium qan təzyiqi və ürək ritminə mənfi təsir göstərir.
Vitamin və mineral azlığı
Evdə hazırlanan şorbalarla müqayisədə hazır şorbaların tərkibində vitamin və minerallar çox azdır.Bu da immunitet sisteminin zəifləməsinə və bədən müqavimətinin düşməsinə səbəb olur.
Allergik reaksiyalar
Son istifadə müddətini artırmaq üçün hazır şorbaların tərkibinə qatılan kimyəvi əlavələr allergik reaksiyalar yaradır.
Trans yağlar
Ürəyə zərər verən trans yağlar bu şorbaların əsasını təşkil edir. Bu yağlar pis xolesterolu artıraraq yaxşı xolesterolu məhv edir. Kalorisi çox olan hazır şorbalar zülal baxımından da kasaddır.
Kökəldir
Hazır şorbalar tərkibindəki qatqı maddələrinə, trans yağlara görə kökəlməyə zəmin hazırlayır.
Banu
