"Dağ boyda oğul itirmişəm, nə yazırlar..." - "Şəki yaylası"nda ölən Ucalın atası
“Mən dağ boyda oğul itirmişəm”.
SAVASHMEDİA.az xəbər verir ki, bunu olkə.az-a qısa açıqlamasında Şəkidəki “Şəki yaylası” istirahət mərkəzində baş verən “zipline” qəzasında faciəvi şəkildə vəfat edən Ucal Bayramovun atası, Azərbaycan Universitetinin müəllimi Asif Bayramov deyib.
Danışmaqda çətinlik çəkən dərdli ata hadisə ilə bağlı müxtəlif fikirlərin səsləndirilməsinə belə münasibət bildirib:
“Qoy kim nə istəyir yazsın. Onların heç biri mənə maraqlı deyil. Maraqlı da olmayacaq”.
Qeyd edək ki, sentyabrın 8-də Şəki rayonu, Baş Küngüt kəndi ərazisində yerləşən “Şəki yaylası” istirahət mərkəzində “zipline”nin kanat sisteminin bərkidildiyi metal konstruksiyanın deformasiyaya məruz qalması nəticəsində əsas mexaniki qurğu kanatdan çıxıb.
Hadisə nəticəsində 1999-cu il təvəllüdlü Bayramov Ucal Asif oğlu və 1995-ci il təvəllüdlü Məmmədzadə Coşqun Ceyhun oğlu ölüb.
Faktla bağlı Şəki Rayon Prokurorluğunda Cinayət Məcəlləsinin 314.3-cü (iki şəxsin ölümünə səbəb olan səhlənkarlıq) maddəsi ilə cinayət işi başlanıb və ibtidai istintaq aparılır.
Fotoda Ucalın atası Asif Bayramov
