FİFA "Turan Tovuz"a hər gün 5 min dollar ödəyəcək - DETALLAR
“Turan Tovuz”un panamalı müdafiəçisi Roderick Millerin 2026-cı il dünya çempionatında iştirakı klub üçün də maliyyə baxımından sərfəli olacaq.
SAVASHMEDİA.az xəbər verir ki, Panama millisinin yekun heyətinə düşən təcrübəli futbolçu Azərbaycan Premyer Liqasından mundiala yollanan ilk oyunçu kimi tarixə düşüb.
FİFA-nın kompensasiya proqramına əsasən, dünya çempionatında iştirak edən futbolçuların klublarına hər gün üçün ödəniş edilir.
İlkin hesablamalara görə, Millerə görə “Turan Tovuz” gündə təxminən 5 min dollar qazanacaq. Panama millisi qrup mərhələsində minimum 17 gün turnirdə qalacağı təqdirdə, klubun gəliri 85 min dollara çatacaq.
Panama yığması qrupdan çıxaraq pley-off mərhələsinə yüksələrsə, Millerin mundialdakı iştirak müddəti uzanacaq və “Turan Tovuz”un əldə edəcəyi kompensasiya məbləği daha da artacaq.
34 yaşlı müdafiəçi 2023-cü ildən “Turan Tovuz”un şərəfini qoruyur və həm klubun, həm də Panama millisinin əsas oyunçularından biri hesab olunur.
Oğuz
