"Görüşmək istəyirsə ABŞ-yə getsin, mən də gələcəyəm" - Zelenski Putinə
Ukrayna Prezidenti Volodimir Zelenski Rusiya Prezidenti Vladimir Putinlə görüşməyə hazır olduğunu növbəti dəfə açıqlayıb.
SAVASHMEDİA.az xəbər verir ki, Zelenski “Deutsche Welle”yə müsahibəsində bildirib ki, Putin də görüşmək istəyirsə, dekabrda ABŞ-də keçiriləcək G20 sammitinə gəlsin və orada görüşsünlər.
Zelenski bunun mümkün olması üçün hər iki liderin sammitə dəvət edilməli olduğunu deyib.
Hazırda Putinin G20 sammitində iştirak edib-etməyəcəyi məlum deyil. Kremlin nümayəndəsi Yuri Uşakov isə belə bir səfərin hələ müzakirə olunmadığını bildirib.
Səlcuq
