“Yeltsin Putinin kim olduğunu bilmirdi, onu ailəsi seçdi” - Rusiyalı jurnalist
Rusiyanın tanınmış idman icmalçısı və teleaparıcısı Kiril Nabutov Rusiya pezidenti Vladimir Putinin hakimiyyətə təsadüfən gəldiyini bildirib.
SAVASHMEDİA.az xəbər verir ki, o, bu barədə ukraynalı həmkarı Dmitri Qordona müsahibəsində deyib.
O, qeyd edib ki, heç Putin özü hakimiyyətə gələcəyini gözləmirdi. “Putinlə nə baş verdi: o, belə olacağını gözləmirdi. Ümumiyyətlə, onun prezident olacağını heç kim təxmin etmirdi. Onu Yeltsinin ailəsi seçdi. Onu qəbula gətirəndə Yeltsin Putinin kim olduğunu bilmirdi. Buna baxmayaraq, 1998-ci ildə onu FSB direktoru təyin etdi”, - deyə Nabutov vurğulayıb.
O, xatırladıb ki, həmin hadisədən bir həftə öncə Putinlə təsadüfən təyyarədə qarşılaşıb:
“Birlikdə Leninqrada (indiki Sankt-Peterburq) uçduq. O, mənə valideynlərini ziyarət etmək üçün uçduğunu dedi. Putin, Seçin və mən Tu-154-də tualet tərəfdə eyni sırada idik”.
Nabutov əlavə edib ki, həmin vaxt təyyarəyə geçikib və qan-tər içində laynerə daxil olan sonuncu sərnişin kimi yerini tutmağa gedəndə kənardan “Niyə sən gecikirsən? Təyyarə sənə görə qalxmır” sözlərini eşidib:
“Mən baxdım – Putin pəncərəini yanında Seçinlə birlikdə oturub. Biz orada oturub uçuş nə qədər çəkirsə, o qədər təyyarədəki tualet qoxusunu iylədik. Məncə, bu hadisədən bir həftə sonra onu FSB-nin direktoru təyin etdilər”.
Dmitri Qordon isə istehza ilə “daha tualet qoxusunu iyləmir” replikasını atıb.
Xatirə SADİQ
