Azərbaycanın bu rayonlarında ölənlər doğulanlardan çoxdur - Qorxunc STATİSTİKA

SAVASHMEDIA.az xəbər verir ki, Dövlət Statistika Komitəsinin 2026-cı ilin yanvar-mart ayları üzrə məlumatına görə, ölkədə 20 362 doğum və 15 019 ölüm qeydə alınıb. 

Ümumilikdə təbii artım 5 343 nəfər təşkil edib.

Lakin bəzi ərazilərdə vəziyyət fərqlidir. Rəsmi rəqəmlərə əsasən, ölənlərin sayı doğulanlardan çox olan şəhər və rayonlar bunlardır:

Gəncə şəhəri: 445 doğum, 520 ölüm — 75 nəfər mənfi fərq

Qazax rayonu: 173 doğum, 210 ölüm — 37 nəfər mənfi fərq

Sabunçu rayonu: 512 doğum, 529 ölüm — 17 nəfər mənfi fərq

Naxçıvan şəhəri: 114 doğum, 141 ölüm — 27 nəfər mənfi fərq

Naftalan şəhəri: 12 doğum, 15 ölüm — 3 nəfər mənfi fərq

Ordubad rayonu: 61 doğum, 72 ölüm — 11 nəfər mənfi fərq

Şahbuz rayonu: 35 doğum, 36 ölüm — 1 nəfər mənfi fərq

Xankəndi şəhəri: 5 doğum, 7 ölüm — 2 nəfər mənfi fərq

Zaqatala rayonu: 207 doğum, 213 ölüm — 6 nəfər mənfi fərq

Pirallahı rayonu: 20 doğum, 22 ölüm — 2 nəfər mənfi fərq

Səbail rayonu: 138 doğum, 142 ölüm — 4 nəfər mənfi fərq.

Bu siyahıda ən böyük fərq Gəncə şəhərində qeydə alınıb. Burada ilin ilk üç ayında ölənlərin sayı doğulanlardan 75 nəfər çox olub. Qazax rayonunda bu fərq 37, Naxçıvan şəhərində isə 27 nəfər təşkil edib.

Bakı üzrə də diqqətçəkən göstəricilər var. Sabunçu rayonunda 512 doğumun qarşılığında 529 ölüm qeydə alınıb. Səbaildə 138 doğum və 142 ölüm, Pirallahıda isə 20 doğum və 22 ölüm olub. Yasamal rayonunda isə doğum və ölüm sayı eyni – 409 nəfər təşkil edib.

Naxçıvan iqtisadi rayonunda da bir neçə ərazidə mənfi təbii artım qeydə alınıb. Naxçıvan şəhərində 114 doğuma qarşı 141 ölüm, Ordubad rayonunda 61 doğuma qarşı 72 ölüm, Şahbuz rayonunda isə 35 doğuma qarşı 36 ölüm olub.

Qeyd edək ki, təbii artım doğulanlarla ölənlərin sayı arasındakı fərqdir. Rəsmi statistikaya əsasən, 2026-cı ilin ilk rübündə ölkə üzrə bu göstərici müsbət olsa da, ayrı-ayrı şəhər və rayonlarda mənfi nəticə qeydə alınıb.

Aytən