Jermen kimi tanınan Cavidan Feyzizadənin fəaliyyəti genişlənir
Təhsil, sahibkarlıq və sosial media sahələrində fəaliyyət göstərən Cavidan Feyzizadə müxtəlif layihələri ilə diqqət çəkən gənc azərbaycanlılardan biridir.
İctimaiyyət arasında Jermen adı ilə tanınan Feyzizadə beynəlxalq təhsil imkanları və rəqəmsal platformalardakı fəaliyyəti ilə tanınır.
İnşaat mühəndisliyi üzrə ali təhsil alan Cavidan Feyzizadə Türkiyədə Karabük və Bahçeşehir universitetlərində təhsilini davam etdirib. Akademik təhsilindən sonra fəaliyyətini daha geniş istiqamətlərə yönəldərək beynəlxalq təhsil məsləhətçiliyi sahəsində çalışmağa başlayıb.
Onun fəaliyyətində Azərbaycanlı gənclərin xarici universitetlərə qəbul imkanları xüsusi yer tutur. Müxtəlif ölkələrin ali təhsil müəssisələri ilə bağlı məlumatlandırma, universitet seçimi və qəbul proseslərinə dəstək bu istiqamətdə əsas fəaliyyətlərdəndir.
Son dövrlərdə Feyzizadənin adı rəqəmsal media layihələri ilə də gündəmə gəlib. TikTok platformasında @jermenofficial hesabı ilə tanınan məzmun yaradıcısı 2026-cı ildə Bangkokda keçirilən TikTok Community Fest tədbirində iştirak edib. Tədbirlə bağlı yayımlanan məlumatlarda onun “Qualifiers Silver #2” mükafatına layiq görüldüyü qeyd olunub.
Bununla yanaşı, Feyzizadənin Berlin Təhsil Festivalı çərçivəsində “Ən Çalışqan Təhsil Məsləhətçisi” kateqoriyasında birinci seçildiyi barədə də məlumat yayılıb.
Təhsil və rəqəmsal media sahələrini bir araya gətirən Cavidan Feyzizadə Legend’s Agency layihəsi ilə də sahibkarlıq istiqamətində fəaliyyət göstərir. Onun gələcək layihələrinin hansı istiqamətdə inkişaf edəcəyi isə maraq doğurur.
Fotoda Cavidan Feyzizadə
