Klopp DÇ-2026-dakı su fasilələrini TƏNQİD ETDİ - "Futbol sponsorlara qurban verilir"
Almaniyalı futbol məşqçisi və keçmiş futbolçu Jürgen Klopp Dünya Çempionatında tətbiq olunan su fasilələri ilə bağlı tənqidi fikirlər səsləndirib.
SAVASHMEDİA.az xəbər verir ki, futbol mütəxəssisi bu praktikanı oyunun ruhuna zidd və kommersiya maraqlarına xidmət edən addım kimi dəyərləndirib:
Klopp su fasilələrinin əslində televiziya yayımı və sponsor maraqlarına xidmət etdiyini bildirib:
“Bu futbolun kondisionerli ofislərdə oturan menecerlər tərəfindən girov götürülməsidir. Onlar bu sözdə “su fasilələri”ni oyunçuların sağlamlığını qorumaq üçün nəcib bir tədbir kimi təqdim etdilər. Bəs reallıq nədir? Bu, sponsorlar üçün tikilmiş qızıl qəfəsdən başqa bir şey deyil. Televiziya yayımının vaxtı matçın ritmini diktə edərkən oyunçuların su fasiləsində dayandığını görəndə düşündüm: Dünya Kuboku əslində kimə xidmət edir? Azarkeşlərə? Oyunçulara? Yoxsa reklamçılara? Dünya Kuboku matçı çay kimi axmalıdır. Amma indi reklamların keçə bilməsi üçün həmin çayın ortasında bəndlər tikirik".
Klopp fasilələri futbolun ruhuna təhlükə kimi xarakterizə edib:
"Deyilir ki, bu fasilələr oyunçuların sağlamlığı üçündür və əlbəttə ki, oyunçuların sağlamlığı vacibdir. Lakin oyun televiziya yayım cədvəlinə tabe olmağa başlayanda insanlar bunu şübhə altına almağa başlayırlar. Oyunun ulduzu top olmalıdır, reklamarası fasilə yox. Dünya Kuboku futbolun katedralidir. Bəzən mənə elə gəlir ki, biz onu kassa aparatının matçdan daha dəyərli olduğu bir ticarət mərkəzinə çevirmişik".
Oğuz
