Rusiya nümayəndə heyəti Ər-Riyada yola düşdü
Rusiyanı Ər-Riyaddakı görüşdə prezidentin köməkçisi Yuri Uşakov və xarici işlər naziri Sergey Lavrov təmsil edəcəklər.
SAVASHMEDİA.az Rusiya KİV-nə istinadən xəbər verir ki, bunu prezidentin sözçüsü Dmitri Peskov deyib.
“Bu gün prezident Vladimir Putinin tapşırığı ilə xarici işlər naziri Sergey Lavrov və prezidentin köməkçisi Yuri Uşakov Ər-Riyada uçurlar”, - deyə Peskov əlavə edib.
Onun sözlərinə görə, danışıqlar Rusiya-Amerika münasibətlərinin bütün kompleksinin bərpasına, habelə Ukrayna nizamlanması üzrə mümkün danışıqların hazırlanmasına və iki prezident arasında görüşün təşkilinə həsr olunacaq.
Peskov qeyd edib ki, danışıqların iştirakçıları prezidentə tam, o cümlədən zəruri halda təcili hesabat təqdim edəcəklər.
Kremlin sözçüsü bildirib ki, görüş yeri ümumiyyətlə həm Amerika tərəfinə, həm də Rusiya tərəfinə uyğun olduğundan seçilib.
ABŞ prezidenti Donald Tramp fevralın 14-də elan etmişdi ki, Moskva, Kiyev və Vaşinqtonun yüksək səviyyəli məmurlarının Səudiyyə Ərəbistanında görüşəcək.
Ukrayna lideri Vladimir Zelenski Səudiyyə Ərəbistanına planlaşdırılan səfəri təsdiqləsə də, məqsədinin məhbusların mübadiləsi olduğunu bildirib.
Xatirə SADİQ
