Rusiya təyyarəsi Moskvada qəzaya uğradı - Ölənlər var
Moskva Regionlararası Nəqliyyat Prokurorluğu bu gün günorta saatlarında Moskva vilayətinin Myaçkovo aerodromunun ərazisində baş verən yüngül mühərrikli təyyarənin qəzaya uğraması ilə bağlı araşdırmalara başlayıb.
SAVASHMEDİA.az xəbər verir ki, bu barədə qurumun rəsmi Telegram kanalında məlumat verilib.
"İlkin məlumata görə, bu gün günorta saatlarında Myaçkovo aerodromunun ərazisində yüngül mühərrikli təyyarə qəzaya uğrayıb", - məlumatda deyilir.
Faciənin hansı şəraitdə baş verdiyi araşdırılır.
Xatırladaq ki, R-2002 Sierra təyyarəsi Ramenski rayonunda təlim uçuşu həyata keçirirdi . İki nəfər - bir kursant və bir pilot təlimatçı həlak olub.
