Sabah bu ərazilərdə qaz olmayacaq – XƏBƏRDARLIQ!
Fevralın 18-də saat 09:00-dan etibarən Gədəbəyin 42 kəndində qaz təchizatı dayandırılacaq.
SAVASHMEDİA.az xəbər verir ki, bu barədə "Azəriqaz" İstehsalat Birliyi məlumat yayıb.
Bildirilib ki, buna səbəb Novasaratovka və Şınıx kəndini təbii qazla təmin edən orta təzyiqli - daşıyıcı diametri 325 millimetr olan yeraltı xətdə aşkarlanan qaz sızmalarıdır.
Qeyd olunub ki, sızmalarının aradan qaldırılması və korroziyaya uğramış hissənin yenilənməsi məqsədi ilə saat 09:00-dan etibarən işlər başa çatanadək Söyüdlü, Gər-Gər, Sarıköynək, Qurudərə, Nağılar, Alnabad, Böyükqaramurad, İnəkboğan, Arqıran, Əlismayıl, Qasımlı, Köhnəqışlaq, Qaraməmmədli, Qaravəllər, Novosaratovka, Düzrəsullu, Şınıx, Göyəlli, Göyəmli, Çayrəsullu, Bəydəmirli, Turşsu, Hacılar, Sonalar, Əyridərə, Məmmədcəfərli, Arabaçı, Zamanlı, Mormor, Fərzalı, İsalı, Cücanlı, Dördlər, Mutudərə, Çiçəkli, Çobankənd, Şahdağı, Novoivanovka, Çalburun, Çaldaş, Miskinli, Səbətkeçməz, Parakənd kəndlərinin (42 kənd üzrə təqribən 10 min abonent) qaz təchizatının dayandırılması planlaşdırılır.
