Uitkoff Moskvadan Trampa hədiyyə gətirdi
ABŞ prezidentinin xüsusi elçisi Stiv Uitkoff Rusiya Federasiyasının Xabarovsk vilayətinin Çnırrakh qəsəbəsində istehsal olunan bir qutu qırmızı kürünü ABŞ prezidenti Donald Trampa təqdim edib.
SAVASHMEDİA.az xəbər verir ki, bu barədə regionun Sənaye və Ticarət Nazirliyi məlumat yayıb.
Kürü yerli balıq emalı zavodunda istehsal olunub. Uitkoff məhsulu ilk dəfə Moskvada, Putinlə danışıqlardan əvvəl Savva restoranında keçirilən nahar zamanı dadıb. Bundan sonra ona bir qutu kürü hədiyyə edilib və o da həmin kürünü Trampa çatdırıb.
Dekabrın əvvəlində Uitkoff Cared Kuşnerlə birlikdə Rusiya prezidenti Vladimir Putinlə danışıqlarda iştirak edib. Görüşdə ABŞ-ın Ukraynadakı müharibənin nizamlanması ilə bağlı təklifləri müzakirə olunub. Danışıqların davamının Mayamidə baş tutacağı gözlənilir.
Aygün
